ទីតាំងរបស់សាលាបណ្ដុះបណ្ដាលវិជ្ជាជីវៈ
សាលាបណ្ដុះបណ្ដាលវិជ្ជាជីវៈគឺស្ថិតក្នុងស្ថាប័នអប់រំថ្នាក់ឧត្តមសិក្សា ដូចជាថ្នាក់បរិញ្ញាប័ត្រ ថ្នាក់បរិញ្ញាប័ត្ររងដែរ។
នៅសាលាបណ្ដុះបណ្ដាលវិជ្ជាជីវៈមានការបង្រៀនចំណេះដឹងនិងបច្ចេកទេសជំនាញសំរាប់អាជីពជាក់លាក់ណាមួយ ហើយទទួលបានសមត្ថភាពអនុវត្តន៍ដែលអាចធ្វើការភ្លាមៗបាន។
ខ្លឹមសារនៃការអប់រំនៅសាលាបណ្ដុះបណ្ដាលវិជ្ជាជីវៈ
សាលាបណ្ដុះបណ្ដាលវិជ្ជាជីវៈធ្វើការអប់រំសំរាប់មុខជំនាញយ៉ាងច្រើន ប៉ុន្តែយោងតាមខ្លឹមសារនៃការអប់រំ និងប្រភេទអាជីព គេអាចបែងចែកជា 8 ប្រភេទ។
| ផ្នែក | ខ្លឹមសារអប់រំ |
| ឧស្សាហកម្ម | ពត៌មានវិទ្យា IT ហ្គេម CG ជួសជុលរថយន្ត បច្ចេកទេសផ្លូវដែក មេកានិច អគ្គិសនី អេឡិចត្រូនិច ស្ថាបត្យកម្ម សំណង់ស៊ីវិល ។ល។ |
| កសិកម្ម | កសិកម្ម ដាំសួន ចិញ្ចឹមសត្វ រៀបសួន បច្ចេកវិទ្យាវេជ្ជសាស្ត្រ គីមី សត្វ ការថែទាំបរិស្ថាន។ល។ |
| វេជ្ជសាស្ត្រ | គិលានុប្បដ្ឋាក ពេទ្យធ្មេញ បច្ចេកទេសធ្មេញ ពិនិត្យជំងឺ ព្យាបាលជំងឺ ព្យាបាលដោយធ្វើចលនា ព្យាបាលអោយនិយាយបាន ព្យាបាលតាមរបៀបយូដូ សង្គ្រោះបន្ទាន់។ល។ |
| អនាម័យ | កាត់សក់ ថែសម្ផស្ស ផាត់មុខ ម៉ាស្សា ផ្គត់ផ្គង់អាហារ ធ្វើម្ហូប ធ្វើនំ ធ្វើនំប៉័ង។ល។ |
| អប់រំនិងសុខមាលភាពសង្គម | ថែទាំ អប់រំក្មេង ថែទាំមនុស្សចាស់ គាំពារសុខមាលភាពសង្គម សុខមាលភាពផ្លូវចិត្ត។ល។ |
| ពាណិជ្ជកម្ម | គណនេយ្យ កត់បញ្ជី លេខា ជំនួញ ជំនួញពត៌មាន ទេសចរណ៍ សណ្ឋាគារ មង្គលការ។ល។ |
| សំលៀកបំពាក់និងរៀបចំផ្ទះ | ការឌីហ្សាញម៉ូតសំលៀកបំពាក់ថ្មី ជំនួញផ្នែកសំលៀកបំពាក់ ការកាត់សំលៀកបំពាក់បែបជប៉ុននិងអឺរ៉ុប ការចាក់ ការធ្វើដោយដៃ។ល។ |
| វប្បធម៌និងអប់រំ | តន្ត្រី រូបភាព កាផ្សាយ ការសំដែង ភាពយន្ត រូបថត ម៉ាំងហ្កា ភាសាបរទេស មន្ត្រីរាជការ កីឡា សុខភាព សត្វ ។ល។ |
បន្ទាប់ពីបញ្ចប់សាលាបណ្ដុះបណ្ដាលវិជ្ជាជីវៈ
កម្មវិធីសិក្សានៅសាលាបណ្ដុះបណ្ដាលវិជ្ជាជីវៈ រៀបចំឡើងដោយមានបញ្ចូលនូវមុខវិជ្ជាដែលអាចរៀនចំណេះដឹងនិងបច្ចេកទេសជំនាញសំរាប់អាជីពដែលអ្នកចង់បាន។ ជាពិសេសមានម៉ោងអនុវត្តន៍ជាច្រើនដែលអាចអោយសិស្ស ចងចាំដោយការអនុវត្តន៍ផ្ទាល់។ ម្យ៉ាងទៀត មិនត្រឹមតែនៅសាលានោះទេ មានសាលាបណ្ដុះបណ្ដាលវិជ្ជាជីវៈជាច្រើន បានរៀបចំអោយមានកម្មសិក្សានៅតាមក្រុមហ៊ុន ដើម្បីអោយសិស្សអនុវត្តន៍ផ្ទាល់និងមានចំណេះដឹងអនុវត្តន៍កាន់តែច្រើន។
សិស្សដែលបញ្ចប់ការសិក្សានៅសាលាបណ្ដុះបណ្ដាលវិជ្ជាជីវៈ អាចប្រើប្រាស់ចំណេះដឹងរបស់ខ្លួនចូលបម្រើការងារនៅក្រុមហ៊ុនដែលត្រូវការជំនាញនោះ ក្នុងនាមជាអ្នកជំនាញដែលអាចធ្វើការបានភ្លាមៗ។ មានមួយផ្នែកទៀត បន្តការសិក្សាទៅថ្នាក់បរិញ្ញាប័ត្រ ឬទៅអនុបណ្ឌិតដើម្បីរៀនជំនាញបន្ថែមមុននឹងចូលធ្វើការ។
